ابڙو اڪيڊمي Abro Academy
2020-07-19
داخلا نمبر 548
عنوان ڀَوري (ڪاري مٿي واري)
شاخ پکي
پڙهيو ويو 332
داخلا جو حوالو:
ڀَوري (ڪاري مٿي واري)
ڀَوري (ڪاري مٿي واري)
هي 17 سينٽي ميٽر ڊگهو جهرڪيءَ جيترو پکي آهي. هن جو مٿو ڪارو، چهنب نيري، ڪنڌ ڳچي ۽ پيٽ شوخ هيڊو، پٺي تيز سروٽي؛ پڇ ڪارڙن سليٽي لِيڪن سان پر ٻه ڦاڪو ٿئي ٿو. پُڇ ۽ پَـرڙن جا پاسڙا اڇا ڪارا ٿينس ٿا. هيءَ ڀوري سياري ۾ گهڻي ڏسبي آهي، شايد انڪري ته اهو بنيادي طرح اولهه ايشيا ۽ اوڀر يورپ جو پکي آهي ۽ سياري ۾ پاڪستان ۽ هندستان ڏانهن وقتي مهمان طور اچي ٿو هي پکي ولرن جي صورت ۾ فصلن ۽ چراگاهن ۾ ايندا آهن ۽ ٽاهه کائڻ تي هڪدم ڀڙڪو ڏيئي ويجهن وڻن يا جهڳٽن ۾ وڃي ويهندا آهن. هن جا ولر فصلن کي وڏو نقصان پهچائيندا آهن. هيءَ ڀوري ماحول : 3 سان تعلق رکي ٿي.